"هنروح نشتري الدبل."
وأفتح عيني تاني. الساعة كانت تلاتة الفجر. بصيت للسقف وقلت:
"أنا ليه وافقت أصلًا؟"
سكت شوية. وبعدين افتكرت إني أصلًا ما وافقتش."طب أنا ليه لسه بفكر في الموضوع؟!"
اتقلبت على الناحية التانية، وغمضت عيني. بعد خمس دقايق...فتحتهم تاني.
"طب هو ياسين ده بينام إزاي؟"
وبعدين ضربت المخدة على وشي."ليان، نامي!"
---
الساعة 9:30 الصبح. كنت واقفة قدام الدولاب ومحتارة ألبس إيه. فستان؟لأ. جينز؟عادي أوي. بلوزة؟ممكن. بصيت لنفسي في المراية."إنتِ رايحة تشتري دبلة، مش رايحة كتب كتاب.
"
اخترت بنطلون جينز وبلوزة بسيطة، وربطت شعري. وأول ما خلصت، موبايلي رن. رسالة من رقم غريب. ياسين: أنا تحت. بصيت للرسالة."تحت إيه؟"
رسالة تانية:
ياسين: البيت. اتسعت عيني."هو بيطلع لي منين؟!"
فتحت الشباك وبصيت. لقيته واقف جنب عربيته، لابس تيشيرت أسود ونظارة شمس.
شكله كان مستفز. مستفز جدًا. لدرجة إني فضلت باصة له ثانيتين زيادة عن اللزوم. وبعدين قلت:
"لا، لأ. ده تأثير قلة النوم."
نزلت بسرعة. أول ما خرجت، لقيته بص على هدومي. وبعدين قال:
"جاهزة؟"
"آه."
"كويس."
فتحت باب العربية. قبل ما أركب، قال:
"استني."
بصيت له."إيه؟"
"إنتِ هتروحي كده؟"
بصيت لنفسي."أيوه."
"مفيش فستان؟"
"إحنا رايحين نشتري دبلة، مش رايحين فرح."
ابتسم."تمام."
ركبت. هو ركب جنبي، وشغل العربية. بعد دقيقتين من الصمت، قلت:
"على فكرة..."
"همم؟"
"إحنا ممكن نلغي الموضوع."
بص لي بطرف عينه."ليه؟"
"لأني فكرت فيها."
"ووصلتي لإيه؟"
"إن الجواز منك فكرة سيئة جدًا."
ابتسم.
"متأخر."
"إيه اللي متأخر؟"
"أنا كمان فكرت فيها."
"ووصلت لإيه؟"
بص لي."إنك فكرة أسوأ."
فتحت بوقي."أنت..."
ضحك. وأنا بصيت من الشباك وأنا بتمتم:
"أنا مش فاهمة هو مستفز ليه."
قال:
"سمعتك."
"خليه يسمع."
"ما أنا سامع."
"عظيم."
"عظيم."
رجعنا للصمت. بعد شوية، قال:
"إنتِ متوترة؟"
"لأ."
"كذابة."
لفيت له."مش متوترة."
"إيدك بتتحرك من ساعة ما ركبنا."
بصيت لإيدي. كانت فعلًا بتلعب في طرف الشنطة. سحبتها بسرعة."عادي."
"ليان."
"نعم؟"
"أنا مش هأذيكي."
بصيت له. كان بيتكلم بجد."أنا عارف إن اللي بيحصل ده غريب.
"
"غريب؟ ده جنان."
ضحك بخفة."ممكن."
سكت لحظة، وبعدين قال:
"بس أنا هحاول أخلي الست شهور يعدوا من غير مشاكل."
رفعت حاجبي."إنت بتتكلم بجد؟"
"آه."
"يعني مش هتتحكم فيا؟"
"لأ."
"مش هتزعق؟"
"لأ."
"مش هتفرض عليا حاجات؟"
"لأ."
بصيت له بشك."إنت مريض؟"
ضحك."ليه؟"
"عشان أول مرة أشوف واحد بيوافق على كل حاجة."
قال:
"ما أنا قولتلك، أنا مش متحمس للجواز."
"كويس."
"كويس."
---
وصلنا محل مجوهرات كبير.
أول ما دخلنا، الموظفة ابتسمت وقالت:
"أهلًا وسهلًا يا أستاذ ياسين."
بصيت له."إنت بتشتري من هنا كتير؟"
"لأ."
"أمال عرفتك إزاي؟"
"عشان المكان بتاعي."
"آه."
بصيت حواليّ. كل حاجة كانت لامعة بشكل يخوف. الموظفة حطت قدامنا كذا علبة."دي مجموعة دبل مناسبة."
فتحت أول علبة. بصيت للدبلة.
"حلوة."
ياسين قال:
"مش دي."
بصيت له."ليه؟"
"مش شبهك."
ضحكت."هي الدبلة ليها شخصية؟"
قال بهدوء:
"آه."
الموظفة ابتسمت."دي ممكن تكون أفضل."
فتحت علبة تانية. دبلة رقيقة، بسيطة، وفيها حجر صغير. بصيت لها. حسيت إنها حلوة فعلًا. قلت:
"دي."
ياسين بص لي."متأكدة؟"
"آه."
"خلاص."
الموظفة سألت:
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.