جوازة بالغلط

أنا على الكنبة. وهو على الكرسي المقابل. قلت:
"ياسين."
"نعم؟"
"إحنا اتجوزنا بجد."
"آه."
"غريبة."
"ليه؟"
"عشان من أسبوع كنت مش عارفة اسمك أصلًا."
ضحك."وأنا من أسبوع كنت فاكر إنك هتكرهيني."
"لسه ممكن."
"بعد اللي عملته عشانك؟"
"أيوه."
"قاسية."
ابتسمت."وأنت مستفز."
"متجوزاني برضه."
سكت.

وبعدين قال:
"ليان."
"نعم؟"
"لو عرفتي الحقيقة كلها..."
"إيه؟"
"ممكن تكرهيني."
بصيت له."إنت ليه بتفترض دايمًا إني هسيبك؟"
سكت. قلت:
"أنا مش عارفة إنت عملت إيه زمان."
"أنا كمان مش عارف."
"بس عارفة حاجة واحدة."
"إيه؟"
"إن الشخص اللي قدامي دلوقتي مش شخص وحش."
ابتسم."متأكدة؟

"
"لأ."
ضحك."حلو."
---
في صباح اليوم التالي...صحيت على صوت طرق على الباب. فتحت. ملقتش حد. لكن كان فيه ظرف على الأرض. مكتوب عليه:
ليان وياسين. أخذته. فتحته. جواه عنوان. ومكتوب:
"لو عايزين تعرفوا الحقيقة، تعالوا الساعة 8 بالليل."
تحت العنوان:
"ومحدش يعرف."
---
الساعة 7:50.كنا واقفين قدام بيت قديم في منطقة هادية. بصيت لياسين."إنت متأكد؟"
"لأ."
"طب جايين ليه؟"
"عشان نعرف."
دخلنا. البيت كان قديم، لكن مرتب.

وفي آخر الصالة...كانت فيه ست قاعدة وظهرها لينا. ياسين وقف مكانه."ماما؟"
الست قامت ببطء. ولفت. أنا حسيت برجلي مش شايلاني. كانت هي. أم ياسين. وشها كان أكبر من الصورة اللي شفتها، لكن عينيها نفسهم. ياسين قرب منها."ماما."
هي حطت إيدها على وشه."كبرت."
صوته اتكسر."إنتِ فين كل السنين دي؟"
حضنته. وهو فضل ساكت. وأنا وقفت بعيد. حسيت إني بتفرج على حاجة مش من حقي أشوفها. بعد لحظات، بعدت عنه. وبصت لي."إنتِ ليان."
هزيت رأسي.

"أيوه."
قربت مني. وحطت إيدها على خدي. بدأت تبكي."شبهها."
"شبه مين؟"
"أمك."
اتجمدت."إنتِ كنتِ تعرفي أمي؟"
قالت:
"كانت أعز صاحبة ليا."
"فين هي؟"
سكتت."عايزة أعرف."
قالت:
"ماتت."
...الكلمة نزلت عليا كأنها صفعة."ماتت؟"
هزت رأسها."آه."
دموعي نزلت."إمتى؟"
"بعد الحادثة بسنة."
"وأبويا؟"
"كان عارف."
"ليه مخبّي عليا؟"
"عشان وصية أمك."
رفعت عيني."وصية أمي؟"
قالت:
"طلبت مني لو حصل لها حاجة، أحميكي."
"تحميني من مين؟"
بصت لياسين. وبعدين قالت:
"من عيلتك.

"
---
ياسين قال:
"من عيلتها؟"
أمه هزت رأسها."أيوه."
"مين؟"
سكتت."ماما، قولي."
قالت:
"أبو ليان."
أنا اتصدمت."بابا؟"
"أبوكي كان شريك والد ياسين."
ياسين عقد حاجبيه."شركاء في إيه؟"
"تجارة."
"أي تجارة؟"
سكتت."ماما."
قالت:
"تجارة غير قانونية."
سكتنا. أنا حسيت إني مش قادرة أتنفس."بابا؟"
قالت:
"أبوكي حاول يخرج منها."
ياسين قال:
"وعشان كده حصل الحادث؟"
"أيوه."
"مين قتل أبويا؟"
سكتت. وبعدين قالت:
"أخوك.

"
ياسين اتجمد."أخويا؟"
"أيوه."
"بس أنا معنديش أخ."
نظرت له."عندك."
سكت."كان فيه طفل تاني."
"فين؟"
قالت:
"مات."
ياسين قرب."إنتِ بتقولي إيه؟"
"أبوك كان عنده ابن من ست تانية."
أنا بصيت لياسين."يعني كان ليك أخ؟"
هزت رأسها."أيوه."
ياسين قال:
"إيه علاقته بموت أبويا؟"
أمه بصت له."هو السبب."
---
وفجأة...سمعنا صوت زجاج بيتكسر. ياسين شدني وراه."مين؟"
أمه صرخت:
"انزلوا!"
اتكسرت نافذة تانية. ياسين جري ناحية الباب.